Аймгийн Онцгой комиссын хуралдаан боллоо Ховд аймгийн Онцгой комисс хоёрдугаар сарын 19-ний өдөр хуралдлаа. Коронавирусийн халдвар (COVID-19)-аас урьдчилан сэргийлэх, хамгаалах ажлын хүрээнд орон нутгийн мэргэжлийн анги, байгууллагууд өндөржүүлсэн бэлэн байдлын зэрэгт шилжин ажиллаж байгаа билээ. Энэ дагуу “COVID-19”-ээс урьдчилан сэргийлэх, хамгаалах чиглэлээр хийж хэрэгжүүлж буй ажил, аймгийн Онцгой комиссын хурлаас гаргасан шийдвэрүүдийн хэрэгжилтийн талаар мэдээлэл солилцож, ажлын нэгдсэн тайланг хэлэлцэж Онцгой байдлын ерөнхий газарт хүргүүллээ.