Цаг уур, орчны шинжилгээний газраас ирүүлсэн мэдээгээр
2022 оны 11-р сарын 24-25-ны өдрүүдэд баруун аймгийн нутгийн зүүн хэсгээр, 11-р сарын 26-нд баруун аймгийн нутгийн зарим газар, 27-нд баруун аймгийн ихэнх нутаг, 28-нд баруун аймгуудын нутгийн зүүн хэсгээр, цас орж, цасан шуурга шуурч, ихэнх нутгаар хүйтрэхийг анхааруулж байна.
Иймд малчид, иргэд тээвэрчдэд дараах зөвлөмжийг хүргэж байна.
-Цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах;
-Онцын шаардлагагүй бол холын замд гарахгүй байх
-Тээврийн хэрэгслийн жолооч нар хол, ойрын замд гарах тохиолдолд тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих, баталгаагүй зам, гүүр, гарамгүй газраар зорчихгүй байх;
-Иргэд, малчид салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байхыг Баруун бүсийн төв-Ховд аймгийн Онцгой байдлын газраас онцгойлон анхааруулж байна.